Jiltawpni in, safety measure la in Lamka sehvel ah school kikhaah a, hamngaihna jangin thupuante um hial mahleh, meteorological officialte geenlawh banglouin, khuaphain ni sa mahmaha, huihpi chih diing himhim heetphaah hilou. Amain khoumdaan entute’n huih 55-70 kmph a haat leh daahkaal 48 sung guahtui tamtah lametthu ana geen uhi.

Cyclone Mahasen in Ningani a lei aphaah toh kitonin tropical huihsia bangin kiamsuh a, Bangladesh a totna lampi ah a tha kol sausawnin, Myanmar leh India malsuah taangte naahtahin hawia, lauh banglouin siatna nasa talua tutlou. Hi huihsia jiahin misi 45 chiang ki report.

Bangladesh leh Myanmar a muntuama nawnkhiata umte a mun vah lehpuiin um panta uh. Bangladesh ah mihing maktaduai 1 veel ana kinawnkhia a, Myanmar a Burma sepaihte’n Rohingya Muslimte leh Rakhine Buddhistte munbit ah ana sondoh uhi.

Thusuah nunungpeente’n hi huihpi thahaatdaan  kiamsot a India malsuah taangte a phaah chian kol dawm diing chi’n geen uh. Meteorologistte geendaanin hibaan daahkaal 48 sung veel India malsuah state khenkhat Mizoram, Tripura, Manipur, Lower Assam leh Nagaland mun khenkhat ah guahpi leh 55-70 kmph chianga haat huihpi nung diing chi uh. Himahleh Mizoram simlam a phaah toh kitonin haat talo nawnlou diinga, guah ahihleh tam diing chi’n geen uh.

Thuthang in Lamka sehvel ah mi su patau mahmah chih thu kiza. Lamka in Jiltawpni a hi cyclone gim nam pha diinga kisingsa in khosung a schoolte kikhaah diing chih thu um boh. Mizoram sorkal in school zousiah Ningani leh Jiltawpni khaah di’n thu puanga, Manipur sorkal in zong kiveen diing daan thusuah khenkhat bawl.

Ama in UN in mihing maktaduai 8.2 veelte suhkhaahin um thei chi’n thusuah ana bawlta va, himahleh hi cyclone in lei a phaah toh kitonin gintaat kheelin a tha kesot mahmah a, lametsa bangin Myanmar tuipiaute nuaikha talo lou. Bangladesh tuipiaute ah huipi baanah guahpi leh tuileet ziahin mihing maktaduai 1 kinawnkhia uh a, asaanga simte’n cyclone shelter beel uh. Bangladesh, Myanmar leh Sri Lanka ah akigawmin misi 18 ki report.

1991 in Bangladesh ah cyclone nasatah ziahin mi 1,38,000 ana sih loh ngei a, anaizaw 2008 a Cyclone Nargis huaisetah ziahin Myanmar ah mihing 1,40,000 ana mangthang ngei uhi.

Cyclone Mahasen huchi hialin huaise lou a, lei a phaah toh kitonin kintahin a tha kia in, India malsuah a toh chiangin neem sawn diing kichi. Himahleh malsuah taangte’n Kiginni tan veel guahzu leh huih haattah thuah veve diing.

Nu Niangneikim ahihleh Lady Harding Hospital, New Delhi a Chief Nursing Officer ahi. Kum 2011 in Jacintha Chiinkim Simte in hi award mah ana saang ngeita hi. Manipur a’pat Thongam Memcha Devi leh Hoikhochin Haokip in zong 2013 award saang kha uh.

Pu B. Dongzalian Simte, President, STC in Simte nam pumpi thangphatpihna sulangin, “Etton diing model leh khang hung gei diinga haantohtu na hi” chiin felicitation bawl a, “I pu-le-pate’n mun heetlouh leh gamlatahte ah khovel delhna’n a bulpatna situmtah uh ana pan va, hu khang chiah zeela telkha ngeeiin hahsat tampi laha na lohchinna in, muanmoh diing nengkhat zong tellouin Simte mipite laiah kisahtheihpihna liantah a tut hi” chi’n kipaahpihna lehkha a thot hi.

India nursing award saangpeen National Florence Nightingale Award chu Central, States/UTS a Government, Voluntary Orgn, Mission & Private hospitals a seem nursing personnel seem tungtuangte kawma kipe zeel ahia, nurse 272 kawmah piah ahita hi.

Tarik 03/05/2013 jiingkal daah 6:00am vel in Huihpi/Gialpi leh Piingpei kithuah in nasatah a teenna inn, V. Munhoih, Zion Veng, Bethlehem Veng leh veng tuamtuam a inn 44 a muutsiatte panpihna hungpete tengteng tung ah SYO Ghq. in kipaahthu ka hung gen uhi.

1. Pu Phungzathang Tonsing, Hon’ble Minister (Health & Family Welfare, GAD &CADA, Govt. of Manipur in langva 20 bundles leh sumtang 1.5 lakhs ahung piaah baan ah, hawhtui/buainoi lah a amun mahmah a hungdelh Pu. Khanthang Tonsing, Pi Lulun Tonsing, Pi LT. Puii, SDO/CCP, Pu Gouzamang Guite, EM/ADCC leh Pu Zodinga, MDC.

2. Pu Th. Doukhanmang, Secy. STC in a Singat a Godown a um teng teng Shaktiman Load 2 ahung basah a hubaan ah a inn kiphaltah a mipite neeh leh dawn bawlna diinga kiphaltah in ahungzang sah hi.
3. Pu L. Dongchinthang, President, SYO, Ghqtr. in Social work natanga mipi te nehkhawm dingin a vohtal 1 kiphaltah in hungpia a, tui tah in thakuan tengin aki nekhawm hi.

4. SYO, Delhi – Rs. 10,000/-
5. KZP, Delhi – Rs. 5000/-
6. KZP. Ghq. – Rs. 2000/-
7. Pu. B. Dongzalian Simte, President, STC – Rs. 500/-
8. Pu T. Goukhomang, President, ZYA. – Rs. 500/-
9. Pu. Thangminlin @ Mimin Workshop, Rengkai – Rs. 1000/-
10. Pu. Pauboi Thangsing, Delhi – Rs. 1000/-
11. Pi. Chiinkang, Simveng – Rs. 50/-
12. Pu Lamdou, Zogam Road – Rs. 100/-
13. Pu Tonglal, Bible Hill. – Rs. 100/-
14. Pu. L. Dongzapau Simveng – Rs. 100/-
15. Upa B. Doukang, Simveng – Rs. 100/-
16. Pi. Luandim, Rengkai – Sugar 1 Kg.
17. Pi. Niingkhankim, New Lamka, Sahei Road – Rs. 100/-
18. Pi Chiinkhoniang, V. Munhoih. – Rs. 50/-
19. Pu. L. Nangdoupau, V. Munhoih – Rs. 100/-
20. Pu Th. Doumuan, Simveng – Rs. 100/-
21. Pu Liangalal, New Lamka – Rs. 100/-
22. Pi Chingthiankim, Bethlehem Veng – Rs. 100/-
23. Pu L. Jampau, V. Munhoih – Rs. 20/-
24. Pu Th. Thangchinkhup, V. Munhoih – Rs. 100/-
25. Pu Thonglianmang @ Thomas Tawna Road – Rs. 100/-
26. Pu S. Lianminthang, simveng – Rs. 100/-
27. Pu. Th. Thangchinlal New Lamka – Rs. 100/-
28. Pu S. Langkap, Zion Veng – Rs. 100/-
29. Pu. Th. Thangkhanlian, Sahei Road – Rs. 500/-
30. Pu Samuel Hangzo, Mualveng – Rs. 200/-
31. Pi Niang, Mualveng Dawr – Rs. 100/-
32. Pu Khupsuanmung, New Lamka – Rs. 500/-
33. Pi Luanhoihkim Sahei Road – Rs. 100/-
34. Pu Thianmuang Simveng – Rs. 100/-
35. Pu T. Khamlian, Zion Veng – Rs. 500/-
36. Pu Ngulzathang, Beulahlane – Rs. 500/-
37. Pu H. Jamkhanpau, MDC, Simveng – Rs. 500/-
38. Pu Biakmuan Simveng – Rs. 200/-
39. Pu. Th. Dongpau Simveng – Rs. 500/-
40. Pu. Th. Tualkap, Zion Veng – Rs. 500/-
41. Pi Hauching, Bible Hill – Rs. 100/-
42. Pu Kamlam, Zogam Road – Rs. 100/-
43. Pu Anthony Zion Veng – 2 Duiteen
44. Pu Tonglian, Beulahlane – 4 Kg Sugar.
45. Pu Th. Jamchinthang, Simveng – Rs. 200/-
46. Pu Th. Tongkhup, Simveng – Rs. 100/-

GARI HUNG THOHTE.
1. Pu. L. Dongzapau. (Shaktiman)
2. Pu. Th. Doukhanmang (DI Tata)
3. Pu. L. Ginkhup (Maruti Van)

(L.Dongchinthang)
President

(N.Chinkhansiam Simte)
Secretary

Simte bang chihna adiai?? Hmmm…..a taangpi in a theih dan in Simte chu simlam a hung kipan mite chih ahi a. A khente’n nam tawm mah mah ihih jiah un sim (count) aum te chiin a hung thei uhi. Hijongleh keimah mimal private individual ngaihdan in Simte chu sim (read) aum te ka chi hi. Lamgei a notice board kitaah bang in mi’n hung mu in ahung sim va. Huleh lehkhabu i sim bang in miten ahung en va a hung sim uhi. I hoihna uh a en va, ahung sim va, i hoihlouhna a mu va, awlsamtah in  ahung sim suah dim dem thei uhi. I hihna uchu lungsim a phualgu ten tun thei te ihi sih uhi. Paahta in a hoihna a tangkou pih sih a, mit chin teng in kilawm a sa a. Huleh a vul hun in jong a hoihlouhna leh kilawm louhna  phualguuh a sawm tuan sih hi.

“The Simte being strange to the Country, hold pretty well together. They can muster about 850 fighting-men, of which about one half are said to possess guns, and their villages are clustered together in the South-West corner of Manipur. The chief by name Sumkam , is a young man of not very friendly bearing”

(Page 33 of Gazetteer of Manipur 1886, E.W. Dun).

Hu a 1886 peh a Simte ana kigial ta chih lawm lawm…..Simte hih kiletsah pih taah ahih dan ka thei chiang thah thah. Pu ‘Sumkam is a young man of not very friendly bearing’, chih ka muhleh ka lungsim a ka ngaihtuah dan in. Pu Sumkam chu, kamkei a noute humbit na diing a lauh leh giin a neihlouh bang a, a khua leh tui bitna diinga lauh nei lou hi diing in ka ngaih tuah a, ka star talua…

Thilkhat ka ngaihtuah a i hihna uh pawdoh jou non lou i di ve aw?? Ahihlouhleh i thupi na uh ngainep veh ta??? Hijongleh panmun khoh thah ihi uh chih ka mu a, i ngeina uh i hung hih kiit  theihna diing un…

Awl chacha a, kin deuh in;
Nem tah a, khauhtah in;
Sip khian a, ngaih deuh in.

Unaute,  Lei leh vaan; khovel leh asung a um jousiah siamtu chu Pathian ahih a. Hu Pathian chu Pathian a nei nam ihih laisiah, Simte nam in bang ahiai a taahsap diing???….awi awi….Simte hih mah mah nuam e!!!

SIMTE_ PEOPLE

Siatni, nopni a khentuamlou di’n

I tung Thianmang in gualjawl zing henla

Munchin, mualchin a hei khangnou te

Tung sunni bang tang in

Eenglou in  paahzing ta hen.

Zalai ah amin lawibang thanghen

A ha dailiim ah lim bang bual in

A voitawite nunnuam ngabang leng uh.

Piandang sang e, zalai ah

Etchimlouh a pal lah a

O, selung in don ing

Pahbang a pallut diing

Lengual lai a pheikhai kituaha

Eenglou lamtual kaih diing.

PRESS RELEASE

New Delhi, the 6^th May, 2013

 ZSF Delhi Cell CongratulatesAll Successful ZO Candidatesin Civil Services Exam

 The Zomi Students’ Federation (ZSF), Delhi Cell hereby expresses its heartfelt congratulation to all the successful candidates of our ZO (Zomi-Chin-Kuki-Mizo) brothers and sisters who have come out with flying colours in the recently declared final result of Civil Services Examination 2012.

 Our pride and gratitude goes to Mr Neilienthang Telien (Sl. No. 193), Ms Grace Lalrindiki Pachuau (Sl. No. 761), Mr Eric C Lallawmpuia (Sl. No. 867), Ms Lalrinpuii Hrahsel (Sl. No. 905), Mr Samuel S. Vaiphei (Sl. No. 920), Mr K. Lalbiakchhunga (Sl. No. 971) and Mr Joel G Haokip (Sl. No. 984) for their remarkable achievement.

 Today our beloved brothers and sisters have shown the exemplary life which reflects their constant efforts and unceasing ambitions in achieving their dreams.  We are really proud that you could make it this far and we truly believe that you could reach farther in life. May today’s success be the beginning of tomorrow’s achievements. Congratulations to you all!

 Information & Publicity

Zomi Students’ Federation (ZSF)

Delhi Cell

Download PDF File

SYO President Pu L. Dongchinthang leh a committee te lemgeelna in relief bawl hi a, SYO leh KZP houtu baanah phatuamngaite’n puan, langva, leh dangka kaikhawmin tuahse tuah unaupihte huhna natoh pan ngaal uh. Hi relief toh kisai mahin muntuam a umte kawm ah sum a panpihna chial boh uh a, pang phatuamngai nuamte’n SYO Secretary N. Chinkhansiam min in SBI Churachandpur A/C No. 30378329282  (IFSC SBIN0006182) ah cheque leh bank deposit/transfer bangchihlai pouhin a thot theih gige diing hi. Panpihna pete’n mobile No. 09862718827 ah theihsah boh diing chih ahi.

Panpihna paitou zeelin, zing Kiginni ah SYO in nataang (social work) kou a, Simte nungaah-tangvaal koipouh daah 10am a SYO Hall, Simveng a kingaahkhawm diing chih info & pub deptt lam in thusuah bawl.

Mi chitah Simte nam iitpa chi’n hung kithei gige leh ka uut hi.

– B. Dongzalian Simte, President, STC (HQ)

  Tu-le-tu a Simte haam a Magazine umsun Vanglai Editorial Board in Pu B.Dongzalian Simte, President, STC (Hqr) interview a bawlna uh Vanglai April 2013 Issue ah suahin a uma (Simtepeople.com a suahsawn), President Pu dawnnate apat, a demna leh a phatna hi tuanlouin, comment (genbeh) neukhat bawl uthuai ka sa hi. Nam khat President meuh thusoite himhim chu mite bildoh leh etsuui (analyse) a hi jela, a hi diing mah a hi. Hi-ah, i Nam President un bang nasep thupi a nei tai? chih suui sawm i hi sih hi, ajiahchu lamkai khat hihnatah taahlatna diingin kum tamtah a pai phot a ngai diinga, hi suuina diingin chu a hun in zong a zil nai sih hi. August 27, 2012 a teelching a hi a, ha giat tobang lamkaihna la a hipan hi. Bangjiah a mi khat interview-na pouh comment bawl i hiai chih dotna a umleh, lamkaite thugeen suuichet a poimohna a hihleh: khatna, mipite teeldoh, aluangva mohpuahna liantah nei a hih jiahva ngaihsaanna; nihna, lamkai khat in a hung puina a dih leh dih louh etjuina; thumna, vision neiin mipite a pui na’i chih heet tupna; lina, a nasep leh thugente a kituaah na’i, chih etsuuina; ngana, a dinmun uh poimohdaan he a, lamkaite’n zong gen leh genlouh, bawl leh bawl louh diingte a khensiam va, pilvaanna a piaah theihna diingin. Vanglai Editorial Board toh Presidentpu houlimnate abaan baanin etsuuina i nei diing va, hu apat comment i pesuh diing uh hi. (dohna & dawnnate chu a thupaidaan dungjuia a lemtaan jawhna diinga neuchacha henkual a hi)

• VL: Simte mipite hih tu’n Lamkai-mit apat na et ahi a, bang chi’n namu ei .?
• STC President: Simte mipi’n Nam lamkaite a zahtaatva. Hu ziah in hoih tah in puihuai theih din kamu hi.
• VL: Tua Simte mipi i paidaan un paitou jing lei, tunung ah Simte Nam bang dinmun a ding di’n na gingta/ngaihtuah ei…?
• STC President: Tubanga Nam Lamkaite tha leh jung, sum-le-paai a thu-le-laa a i thalthuap jing u leh ikhangtou pah diing uhi.

COMMENT: Mi Positive & kimuanna nei a hihna. Simte mipite chu a taangpiin mi hoih, chitah leh thumang a kihi hi. Kouhtuam hiin, nam leh khotaang vaai hitaleh houtu leh puitute hung puihuaidaan daan a ki-um a hijaw hi. Hi chu Presidentpu muhdaan zong ahihjiahin kilawptaha mipite lampi dih a pui utdaan leh pui thei diinga mahnih-kimuanna nei a hihdaan a sulang a, tunung sawt loua i Nam dinmun hoihjaw leh khantouhdaan diing kineemtahin a vision in a mupha hi.

• VL: Nam Lamkai hihtoh Govt. Nnasep toh inn-sung pa hih na thuah ahi a, bang chi’n na hun na zang zeel ei..?
• STC President: Hi dotna hi, STC General Election-2012 lai apat mikhenkhatte’n ahung demna leh ahung buaipihna hi in kathei hi. Himahleh tunitan in Innsung Pa kahihna baan ah Govt. Khaam kasepna in, ka Nam Nnasepna asubuai khanaisih a, ahung suhbuai malah ah, ka Govt. Khaam ksepna in sum-le-paai ah ahung panpih zaw hi, a jiahchu Namvai a sun-le-jaan a taisuh taaitouhna aumchiang in Nampi sum zanglou in kaloh kamang in ka zangthei hi. A lehlam ah Govt. In ka Nam sunga ka taisuh katai touna diing loh hungpi hi’n ka ngaihtuah hi, ahung panpih zohi sum-le-pai ah. Hun chu apoimoh bang in ka hawmkhen thei tadih hi.

COMMENT: Mi disciplined a hihna. Nam lamkai, Govt. Nasep leh Inn-sung pa hih kop chu lungthu (triangle) tobanga kinangtuah mohpuahna poimoh chiat a hi; hi chu mi kithununlou leh taima lou zohgual hilou a hi. Sapte’n multi-tasking a chihkhu a hi a, hi hihtheihna diingin taimatna leh lemheetna zong a ngai hi. Hung kisathut hi louia, hi teng seemkhawm thei diinga kimuanna a neih jiah a hung kisa a hih a sulang hi. Meisel khat a luidung nih/thum salhkhawm thei daan a hi. Lamkai khenkhat in nam mina sum-le-pai a hawl laia, Presidentpu in Nam tuantual i hihdaan uh hesiamin a hithei tana sum lama puaahgih guan louh a tupdaan chu lamkai dia a piichinna khat a hi. Ahiinla, lamkai teng kibanglou (diing ) a hih jiahin, Nam toh kisai nasepna himhim a zat diing Pawlpi Fund kiningchingtah zong um henla, siangthoutaha a zatna record leh audit bawl hileh a hoih diinga kimuantuahna zong a um seem diing hi.

• VL: Nam Lamkai na hihna-ah na mohpuahna zouthoh thou in naki ngai ei…?
• STC President: Tutadih in chu Pathian leh ka khonbolpihte panpihna jal in jouthoh tadih in kaki ngai hi.
• VL: I Nam sunga Pawl tuam tuam STC,SYO, KZP, SLS lah a Lamkai te leh mipi kikaal bang chi’n namu ei..?. Mipi’n Lamkai te zathuap/nungthuap zou in namu ei, mipi leh Lamkaite kikaal bangtan in gap um in nathei…?
• STC President: Pathian panpihnajal in I Nam sunga Pawl tuamtuam (STC,SYO,KZP,SLS) toh mipite kal ah hichitah in ki gamlaatna um in ka thei nawnsih hi. A jiaah chu thu leh laa theih dia kilawm kithei tuah thei veh ta hi.

COMMENT: Pathian hemi leh teamwork (sepkhawm) poimohdaan hesiam. Presidentpu in mahnih-kimuanna (self-confidence) a neih baanah silbangkima lohchinna diingin chu Pathian mapuina, panpihna leh seppihte kithuahpihna poimoh a hihdaan a haih siha, credit zong a peboh hi. I Nampi nuaia Organisation dangdang toh kithujaahtuah zing a hihdaan a kilang a; lamkai leh mipi kaala communication gap upsah louh chu Nam hiseelna leh sil poimoh a hi chih a hechian hi.

• VL: Simte mipi’n bang tasam peen in na thei ei..?
• STC President: Simte mipin taahsap tuam tuam i neichih ka thei a, a pipen chih diing ahihleh chu “Simte mipi’n taahsap peen a ka theih chu MEMBER OF LEGILATIVE ASSEMBLY (MLA) member khat tasam in ka thei hi”.
• VL: Tunung-ah (Mabaan-ah) Thanlon Bial ah MDC or MLA bang diing nasawm sim mole….?
• STC President: Soichianna di’n baihtalonalai. (Nui cheuh)

COMMENT: Politics lungluut a hihna. Hi tungtaang ah genbeh di tamtah umleh a kilawm hi. Simte mipite taahsap tuam tuam lah a Presidentpu ngaihdaana MLA tasam peen hih tungtaang ah ngaihdaan tuamtuam leh kinialna umthei pah di’n ka ngaihtuah hi. Hi thupi chu STC Advisory Board, Simte Thinkers/Intelligentsia leh upa/member lunggeel theite’n nasataha debate & discussion a neih a ngai masa diing hi. MLA chu i neikha nai sih mah hi; ahiin, hikhu Simte Nam taahsap peen a hina diai? A deih louh chu i hi zenzen sih. Heetsa bangin, i gamsung vah Election chu number game a hih baanah, money power leh gun power zong a hi nalai hi. Kum 2001 census dungjuiin India ah Simte mizah 11,065 a um hi. Kum 2011 census ah bangzah i hih ka he sih hi (a thei i um viai?). I khopi uh Thanlon la nutsiat phial hita. Hujiaha, MLA kaina diinga chu a tunga i geen thumte neih a ngai a, la i nei sih ngal a,mi nuaia kuuna teelching chu a lampi umsun a hi. Mi khanuaia i kuun nini apat, teelching hitalei zong, amau’h thunuai a vanzat umsa i hi ngal jel a. Khutdoh hih toh suaah nasep a teel uthuai na diai? Husangin, kei ngaihdaanin, Simte mipi’n i taahsap u’leh i tup poimoh peen diing u’chu siamna (education) ngaihkhawh semsema, professional line uangbawla, a tamtheipeen in IIT/IIM/NIT leh College/University hoihpeente a luuta, hubaana UPSC leh MPSC examna nuaia, a lomloma leengdoh chu i Nam neutah khantouhna leh suaahtatna hizo diingin a gintathuai hi. Hi chu Presidentpu vision bang mu phalou ka hihna ah, amah siltup nelhsiah hi louin, ngaihdaan kibang lou a hijaw hi.

• VL: Simte mipi lah a i umdaan/i chiin daan lahva tawpsan tuah nasah le hi thil chiin daan uh hoih nasah khat tuah na hung geen thei diai..?
• STC President: .Thuchian theinailoupi a milah a Nam Lamkaite dem pahpah, huchiang leh mihausa, mipil leh Officer ten Namvai mahni deih daandaan a puikoi/hei veu topsan talei ka chi hi.

COMMENT: Presidentpu in i Nam khanmohbawh a hechian mahmah hi. Lamkai pil in Nam susethei sil leh a hatlouhna/jawnkhalnate a he a, siamphat a tum hi. Gari driver in a gari siatna a heeta, a bawlhoih theih lechu a tunna diing ah a sunga tuangte a tunpih ngeei diing hi.

• VL: Simte Nam sunga abeh abeh a kihuituamnate bang chi nasa ei/Bangchi’n na ngai ei..Nam khat sunga abeh beh a ki huituam nate ahi di mawng in na ngaihtuah ei?
• STC President: A beh beh a kihuituam apoimoh najong umthou inchin. A hi’nla Nam tahbuai/ nelhsiah jen a chu ki huituam louh diing ahi.

COMMENT: Mi practical leh hinkhua-khankhua hesiammi a hihna a kilang hi. Chi-le-Nam um laisiah beh-le-phung a um diing a, mimal, innsung leh beh-le-phung vaai zong a um hi; himahleh Nam interest toh beh interest a kikalh hun ah Nam interest in tungtuanna a tan diing mah a hi. Khovel paidaan a hesiama, a mohpuahna a hechian mahmah hi.

• VL: STC General Assembly-cum-Election kineih hun in STC Constitution Amendment kibawl diing chih thu kana zakhava, bang dinmun in a ding tai/bang chiang a tung taai…?
• STC President: Asai diinga kilomten ahunta achih chiang un Annual Assembly chiang in Amendment bawl diinga hoih/poimoh achihte uh approved diing in hung luuina loudi umo. Ngaahlah dahni.
• VL: STC Constitution Chapter V I-B a Unit Organisation bawlna diinga Simte Inn-suan 10 (Sawm) teenkhawmna khua kichi khu ki theikhial kha deuh ade aw, hun paisa a Unit i hong daan-uh ka et-leh na ngaih daan in bangchi nasa ei…?
• STC President: Hoihlou/Pichinglou sah jiah a hiho hoih deuh a bolphat sawm deuh a hung kisa deuh chu aki hi. Gensau dah phot ni.
• VL: STC Thanlon Block jong akiphiat a, (Kum bangjah aha paisa in, thil dih hi’n na thei ei..? Constitution khoiteng pansan a kibawl a diai..?) Na comment tamlou.
• STC President: Block khat phiat chihpen thil hoihpen hi din ka ngaihtuah sih hi. A Ministry pen phiat hijole mo..? Ngaihdaan sungdah phot ning (No Comments)

COMMENT: Mi lunggeelthei, a hun leh a mun dungjuia gen leh gen louh diing hekhen, upa chingkam tah, a hihna a sulang hi.

• VL: STC President nahih apat tunitan a mipi heet theih diing a Nna nasep khiat uh tamlou na hung gen thei diai…?
• STC President: Kum khat ching nailou ahi a, ka sep sunsun uh hiho ahi. Thanlon Block kiphiat chu mipi deihna leh hoih diinga ngaihtuahna jiah in suh hing ahi, huleh anuai a Unit 10 (Ten) tah kitel thahsah veh ahi. A poimoh uh Signed Board leh Letter Head, Files, Minute Books piahveh ahi. KHUANGNUNG BLOCK honthah ahi, vohtal tuuh nga thah ahi. Huleh SINGNGAT BLOCK leh Unit jong kitelthah sah ahi a apoimoh teng piahveh ahi. Lamka Bial kaveh saanlaitah uh ahi. Units veh suah a apoimoh bang banga election jong neihsah ahi. I mi is a Police Lock-Up, Jail taangte dih loutah a ngoh a umte hutkhiat ahi. Huleh amah uutna tellou a sual (rape) Govt. Apat panpihna ngetsah ahi. Hu leh siamjilna lam ah atung tuang biihte vehna akinei hi. Huleh Service a MPSC saina a mute jong kipaahpih leh vehna kinei hi.

• VL: Mipi heet theih diing a gen di kilawm leh kilawmlou tamtah a um diinga, himahleh mipi heet diinga hoih nasahte tamlou nahung gen thei diai, STC in tununga sep leh bawl diing Policy and Programme bang bang na nei viai…?
• STC President: STC in I gamsung a Government School umte puahphat akisawm hi. SYO Complex mun a STC HQ Office Building aki tung diing sawm hi. Annual Fund kituup a don a Annual Conference jong neih jing akisawm hi. Neeh-le-taah, Innten, Louten puahphat diingdan akisawm hi. Simte Custom & Culture kepbit touh jel ahi somhi. A bu (Book) a bawl akisawm hi. STC kahiang, SYO, KZP,SLS tea hi bang tah a function sah leh thalthuap akisawm hi. STC in khua leh tui hoihtah a kepbit akisawm hi, i khosat uh.

COMMENT: A innsung leh office nna donlou hi tuanlouin, ha giat sung a lamkaihna nuaia Nam toh kisai sepkhiaah di’n nna hoih tampi a seemkhia a, Nam iit leh a mi-a sa hahsatna hesiam a hihna sulanga, a pahtaathuai hi. Huleh a mabaana tohguan poimoh tahtah a neihte i etleh Long Term & Short Term Policy in a khentheih a, Lamkai vision nei a hihna a sulang hi. Hi policy in Nam a dia silbangkim huap chih diing a hi; siamna(education), Nam(STC), neeh-le-taah,innten-louten (economic) siamhoihna, pu-pa tawndaan(custom & culture), pu-pa satsa khua-le-tui kepbitna, social leh literature lam suhhaat baanah, i Nam nuaia i organisation tuamtuamte thalthuap haw a huapkha veh hi. A huamkhalouh umsun chu sahkholam a hi a, hi chu kohtuamlam sil a hih jiahin Kaisar sil leh Pathian silte a hekhen mahmah chihna a hi.

• VL: Vanglai Magazine tungtawn a i Nam mipite lah ah geen-uut/theihsah uut na neih leh tamlou na hung gen thei diai..?
• STC President: Sah leh hang, sim leh mal a Simte mipi te’n pangkhawm dan siam chiatni
• VL: TUNUNG-TUNUNG a jong Simte mipi’n bang chi’n hung thei gige leh na uut ei…?
• STC President: MI CHITAH SIMTE NAM IITPA CHIN HUNG KITHEI GIGE LEH KA UUT HI.

COMMENT: Pankhawm chu hatna a hi chih a hechian a, Nam ngaikhawh a hihna ah a mipite a chial ngal boh hi. I PresidentPu chu mikingaingiam ahihvanga kingaineu lou, mizahtaatdan siam ahihvanga huphulh neilou, chiamnuih siam ahihvanga mithutah a hi. Leadership quality hoihtah a neia, a kipumpiaahnate, nasepte leh thugente apat MI CHITAH SIMTE NAM IITPA chih Min a hung puadoh ngeei i lamen va, i deihsah uh hi. (N.B. Vanglai dotnate, Presidentpu dawnnate leh comment i piaahte tungtawnin ngaihdaan sungkhawm jellei lamkaite leh mipite kaala kizopna hoihtah aum diinga, I Nam hiseelin a khangtou hulhul diing hi.) New Delhi, April 30, 2013

Office of the
KHANGTHAH ZUUN PAWL
Gen Hqtrs: Simveng ,Churachandpur, Manipur-795128

“EDUCATION MOTIVATIONAL TOUR, 2013”
REPORTNA LEH KIPAHTHU GENNA

Dated Simveng 24th April 2013
Khangthah Zuun Pawl, General Headquarters’ kumpuan, “Siamzilna lama Kalsangtawi” chih thupi pansana Year Plan a kiguanggalh Simte khosuana School leh Education system puahphatna ding toh kisai in Thanlon bial ah Simte khuate, viz:

1. Sumtuh 2. Zoutung 3.Thanlon4. Gamhui 5. Suangpehmun 6. Tallian 7. Sainouzang 8. Mongawn 9. Pamjal

amun mahmah ah vehna, School umte dinmun etchetna nei in leh school naupangte toh kithuahkhawmna neiin kal ava kisuan hi. Hitoh kisai in hun, sum leh pai, tha leh zung, transportation, expenditure etc. te jangkhai zosem ding etna in Nam vai ah STC GHQ, SYO GHQ toh Joint in kalsuan khawmna kinei hi.

Date 13th April, 10:30am in STC Gen HQ President Pu B.Dongzalian Simte’ inn pansan in Pastor Lamkhanlun in thumna toh hakhia hi. Huchin kalsuannate leh sep-le-bawl ding dawlte zou in damtahin 18th April 2013, 4:30 pm in Lamka kitung kit a KZP Gen HQ in ankuang toh vaidonna a nei hi.

Atangpiin school leh khosung naupang jilsahna dinmun se mahmaha, khua khenkhat ah houh school building kichian zong umlou

Hi tour program lohchinna dinga mimal, SimtePeople.Com memberte leh pawlpi tuamtuam ten aneih-alam iitlou a sum-le-pai, neeh-le-taah, tha-le-zung baana thuumna toh hungna kithuahpihte tengteng tungah kipahthu gending tampi leiba aki nei hi. Amau te tungah KZP Gen HQ in kipahna bukimin kipahthu I gen masa hi. Hite tengteng zal in I biah Pathian kawm ah kipahthu I soi kit hi. Khochina hung na lamtuah a neh-le-tah leh bangkim a hung na tuanvai sah STC/SYO unite leh khomipite tungah zong atuam liau liau in kipahthu I soi kit hi.

REPORT:Report lamah luut pah ni. Khoteng a kalsuanna ah video record, digital camera leh audio recordte banah mit mahmah a muh leh khomipite apan primary data ki lakhawm apan hung kigelh ahi.

SUMTUH JB School (upto Class III):

Date 13 April 2013, 7:30 pm in Sumtuh vangkhua kitung hi. 8pm in STC office ah public meeting aki nei a, hutah ah namvai leh school/education vai nahtah a genkhawmna um hi. STC/SYO unitten uisa tui tahin ana huanva,kikhop zoh 10:30pm vel in ann kine pan hi. Houlimna apata thudonte chu:

1. Sumtuh JB ah Govt. appointed teacher 4 te 1 mah amun akai a um sih, proxy teacher 2 in awlmohna leh kukalna toh ana seem uhi.
2. School building uma, Girls toilet 1 um, school tuang (floor) a se mahmahta.
3. Midday meal gina taha tunglou, kum beisa ah 3 vei aneh uh chihlouh (alloted quantity jah amuh uh gentheilo)
4. Student 27 vel um in Preparatory a’pat class III tan um.
5. Proxy teacherten kitoudelhna di kham haloh saanglou uh a hahsatna liantah tuah uh.
6. Tukum 2013 a ding midday meal muh um nailo.
7. School dinmun lungtun louh jiahin naupang tampi khosunga simthei nalai dingte jong Lamka leh Thanlon juan uh a, nuleh pate a ding in puahgih guan sawnsawn, chihthute kimukhia hi.
8. 2013 session a proxy teacher ten April tan ah haloh sang nailou uh, MDC Ginzapau in haloh regular taha piah ding a kamchiam tangtun zou lou.
9. Headmistress i/c: Nianghoihching.

Recommendations:

1. Proxy teachers’ Pay regularize diing, huleh khansah ding.
2. Proxy teacher seem jat mi tawm.
3. Midday meal etkai ding
4. School vaiah Quality system tasam.

ZOUTUNG J.B.SCHOOL (Upto Class V): 

Joutung JB School, proxy-teacherte phattuamngaihna leh kouhtuam tosotnain, pawl 5 tan hoihtahin pai

Sumtuh akipanin Dt 14th April jingkal in Zoutung kitung phei a, STC/SYO unitten uisa thah siau, al siaua a huan uh, kuihkhawmna um hi. Pathianni suun Biahin kikhop tawp in khosung suan-a-pa teng toh namvai leh school thute jong genkhawmna um hi.

1. Khodangte sanging School function hoih pen a chiamteh ahi.
2. Kouhtuamte panlahna in school management leh a function lam lungtun huaia, Proxy teacher 7 te haloh kouhtuamte donghu a ana pang in, buai lou (2012 based report).
3. Mahni kisen in proxy teacherten uniform kinei un etlawm mahmah. Studentte ading jong Nilaini leh Ziltawpni a ding uniform atuam neisah uhi.
4. Proxy teacherte panlahna phathuai kisa.
5. April 2013 tanah Proxy teacherte pay muh umnailou.
6. Class V tan um a, khosung a naupang Class V jiltheite mundanga pawtkhia tamlou.
7. Class V ban mundanga sunzom zoulou a dropped out a vahthap naupang tam.
8. Govt. appointed Teacher khatmah melmuh umlou. Sanctioned Post: 8 teachers.
9. Midday meal: no idea
10. School pucca building and cemented floor, toilet um.
11. No. of students: 54
12. Household: 74
13. Head mistress: Dimzaching

Recommendations:

1. JB School apan Jr H/S tan beeha upgrade hileh dropped out rate tawm ding banah neh-le-tah dinmun hahsatna tampi dawnjang ding.
2. Proxy teacherte pay amount tawm talua, aloh tampen in 4300 (unskilled labour of BRTF gets Rs.5000 per month).
3. Pay regular taha muh ding.
4. Anganwadi Cook House jong um.

THANLON HIGH SCHOOL:

Thanlon High School building classroom tamtah luahlouhin um, khenkhat ah bawng giah

Date 14th April 8:00pm in STC Unit Office ah mipi kikhopna neih ahi. STC/SYO unitten vohsapoh toh ankuang in hung vaaidawn uhi. Nam sungthu, school thu leh thu tuamtuam genkhawmna um hi. EBC’S Convention English School pawl V tan leh St.Xavier’s High School hoih tahin concerned mission in enkol hi. Himahleh Thanlon H/S tungtang chu lungjin ahuai khopmei. Puahphat ding dan nguntaha genkhawmna ah Head Master i/c hung tel thei in, kum nih paisa a skul puahphat sawm a pan nasa taha a laah dan leh hahsatna tampi a tuahte chiang seta ngaihkhiahna jong kinei hi. Athu umdan tah chu;

1. School naupang ding sawm jong umjoulou hi. Hubanah, malai apata skul gina taha ana function thei talou,
2. A system himhim ama apat ana duhdah louh jiahin tuni tan deih bang zoulou a, nu-le-pa te muan ngamna tasam ahi pen.
3. Skul naupang admission bawl sunsunte jong uniform, textbook, bag etc deihna jiah chouh a bawl naupang tamtah umdan in ki suikhia hi.
4. School building um sunsunte bawng buuh asuah pawl atam ta.
5. Tu dinmun ah infrastructure leh Govt in a etkoldan etin High School minpo ding in sit ahuai mahmah.
6. Ningkumah regular class Cl-VI leh VIII um in Final exam bang conduct theita uhi, tu session ah Class 4 (lii, not Class IV) tah bang function thei ta.
7. Proxy teacher : 4
8. Headmaster i/c: Khamminthang

Remarks: Progress and improving.

Recommendations:

1. Thanlon biala a thawna Class X (ten) tan jiltheihna High School I neih sun ahihmanin puahphatna ding in MLA/MDC/Philanthropic & Student orgn.,mipite pankhawm poimoh tahjet.
2. Khochin a JB School a kaiten maban a sutjop theihna dingva kingahna tham ahih poimoh petmahta.
3. Headmaster i/c Pu Khamminthang in hi School puahphatna dinga Five-Ten Year Plan aneih akisaikhaahpih photin thalthuap diing.

GAMHUI JB School:
Thanlon akipan Dt 15th April, 11:00 am in Gamhui juanin kal kisuan kit hi. Singtang voh pohhaang kuihkhawmna um kit a, huma in STC unit office ah kikhopna neih ahi. Theihsa mah bangin hun paisate jiahin Gamhui khua hi inn ana tawm sot mahmah.

1. Govt. school building leh toilet muh ding umlou.
2. Chief in Lamka apan gal etkola, khosung hamphatna ding Job Card, Midday meal, etc mipite’n gina taha mulou.
3. No. of appointed teachers: 3
4. Salvation Army Mission School um a, teacher 3 um, Class V tan.
5. District Council record ah student 26 um.
6. Govt teacherten khua pha ngei lou.
7. Khomipi in abawl school building umsa pansana Gamhui Govt.JB School function sah dingin nahtahin kigen pih.
8. Headmaster: G.Lalrousang

Recommendations:

1. Khohausa in khua-le-tui ngaihnatna asuah poimoh.
2. Grass roots level ah pan laahthah poimoh.

SUANGPEHMUN J.B.SCHOOL:
Dt 15thApril ni mahin Gamhui akipan in Suangpehmun ah kigiahlut hi. Nitah ann dingin Vohsa poh khomipi in ana huan va tui tahin kine hi. Guahpi ajut jiahin nitahin kikhopna kineitheilou, Dt 16th April jingkal a meeting khosung suan-a-pa te toh meeting kinei hi.

1. School function nimnem, Chief cum Headmaster in pan nasataha a lah vangin a naupangten Thanlon leh Lamka jotsan man, banah 2012 lai a Proxy Teacher semnu in pasal neia, teacher ding kitasam ziah zong ahi. Kumkit 2014 session ah school detdou taha function sah ding ahihdan Headmaster in a kamchiam banah KZP GHQ te kithuahpih dingin jong ngen boh hi.
2. Govt. record ah school naupang 10 um.
3. School building leh girls toilet um.
4. Govt techerten amun ah sem le uh nu-le-paten a tate akaisah dinga mansa.
5. Govt. teacher post umzah: 5
6. Job Card ginataha khomipi in mu.
7. Headmaster: Th.Thangchinlal.

Recommendations:

1. Headmaster in pan nasataha a laah poimoh, KZP GHQ a thalthuap dinga mansa.
2. Khualgam a tate teng teng kaisah ngai a, nu-le-pate adingin hahsatna leh puahgih tampi tun hi.

TALLIAN:
Dt 16th April in Tallian ah jing ann kine; khomipi tetoh kikhopna nei.

1. Govt. School himhim neinailou.
2. School naupangte Lamka leh Leijangphai ah kai uh.
3. Guahjut daikai chiang in naupang ten 1.5km a gamla Leijangphaia school galkai hahsatna tuahmun mahmah.
4. Student: 30 val.
5. Insuan: 18

Recommendations:

1. Govt. School aneih kin uh a poimoh.
2. Khotang neh-le-dawn a kingahna dingin luikhuh kichiantah aneih uh poimoh.

***Dt 16th April ni in LEIJANGPHAI HIGH SCHOOL vehna kinei a, naupang atam khopmei uh, teacherte toh houlimkhawmna nei in naupangte toh jong limlaah khawmna kinei hi. School function dan alungtun huai khopmei. Khua tuamtuam akipan naupang tamtah hi school ah akai va, Class VII tan hoih tahin a function hi. Naupang 200 vel a phajou hi.

SAINOUJANG AIDED SCHOOL:
Dt 16th April in Sainoujang kigiahlut a, nitahin suan-a-pate toh meeting neih ahi.

1. Tawlkhat teng hausapa panlahna nuaia skul naupang kaihkhop ahi a, teacherte hakhat a 2000 pia a apaitouh lai in tuin dinkholta hi.
2. Midday meal facility um a, mu ngei himhim lou uh. Cookten aloh di kilawm akimlou a mu nimnem sam.
3. No. of teachers: 2
4. Headmaster’s last visit: 2011
5. Naupang Nursery leh Cl-B zilthei ding himahleh mundang a jil ding a tei/piching nailoute khosunga vaah thaithap tam.
6. Name of Headmaster: Chinkholal.
7. School himhim umlouh jiahin nu-le-paten a tate uh khualna in khualgam ah kaisah uh a, a hahsatna thu uh nam makaite mai ah puangkhia uh.
8. School naupang val khalgam a kai umjou uhi.

Recommendations: Na ngaihtuahna chiimtah akipan in nang jong nathei mei ding.

Nungkihjualni. Dt 13th April (kipatdohni) a Sumtuh juana ka pailai un Sainoujang ah ka baang malam va, ka khawltawldam sung un naupang hunkhop gari kawm ah ana ding va, aki kanchian leh Pamjal leh Mawngawn akipan neh ding tah ding, anntangte ki puah litlit kawma innluah a Thanlon a school kaite ana hi meizen uhi!!. Hikhu in inam-igam dinmun soibeh ngailou in a gen chiang khop mei. 1970s laia a skul kailai uh hinkhuate a gel doh a, tuni tana I society a hichibang aum pen poisa leh pona mahmah in Pu B Dongzalian in mittui toh a veinat thu puangkhia hi. Huchi in amaute toh alem thei dandan a tuang in Thanlon ka potung tou uhi. Houlimna jong ama’ute toh akinei a kuhkal taha lehkhasim ding in hasuanna thu kigenpih hi.

MAWNGAWN J.B.SCHOOL:

KZP lamkaitute’n school chin ah teacherte interaction neiin school dinmun ettkhiatna kinei

Mongawn khua nungah tangvalten khomual ah lamkaite singpi-tuilum toh lamtuahna thupitah in nei uhi (17th April). Khomipite toh STC office ah public gathering neihpah ahi.

1. Proxy teacher khat in kumlui a ana etkol: naupang enkol zou nawn lou ding chih jiah in teacher dang guanbeh ding phutna in thuneite toh khomipite kikal kinantuahna jiah in tukum April tan in jong skul ana kai naisih uhi. Hite tengteng ngaihkhawh in khomipite deihtelna toh proxy teacher 2 kiguan beh a, huni mahin Admission bawl ahi ngal a, naupang 29 tahin min khum ngal hi.
2. Khualgam a kai jat: 27 (between A – X)
3. Building um a, leh toilet tungkhuhlouh um.
4. Midday meal mu vang mahmah uh.
5. Govt. teacher umjah: 4 teachers
6. Proxy teacher haloh tawm.
7. Headmaster in khua phangnei lou.
8. Name of Headmaster: W.Zonunsanga
9. KZP General Headquarter in proxy teacherten naupangte regular tah a naupangte kaipih ding in hasuan hi.

Recommendations:

1. Naupang hung tamsem leh class room kidaih lou ding.
2. Existing School building partition ki bawl hen.

PAMZAL JB School (upto Class V)
Dt.17th April in Lawmmual ah tangvalten hungna lamtuah uh. Mitawm ngai hungna lamtuah ten Mongawn khua program johsiang tan hung ngahin, Pamzal khua ani mah in zot ngal ahi. Nitahin Community Hall ah khomipite toh program manphatah in kizang.

1. School building classroom 2 kum**** a kibawl, ginatah a bawl hilou.
2. School building thah sitset bawl ahih toh kiton in, jat taah nawn louh alui pen chu pheldoh in ana um hi.
3. Proxy teacher te kipumpiah zohna leh ngaihkhawhna jiahin skul chu lungtun ahuai mahmah.
4. No. of students: 62 (Nursery to Cl-V)
5. No. of govt. teachers: 12
6. Headmaster in veh ngeilou banah govt. teacherte khatmah melmuh umlou.
7. Name of Headmaster : Vanlalzawna
8. April 2013 tanah proxy teacher te haloh mu um nailou.
9. Midday meal mu zeuh zeuh.

Recommendations:

1. A neulam hilh ding teacher khat ki tasam uh.
2. Village elderten a appeal ahih leh Proxy teacherte kum khat in khatvei beh KZP Ghq panlahna a Training piah zel ding.
3. Skul Committee in pay structure a guat chu ahi bangbang in ki implement thei leh adeih uh.

Thukhaahna: Kho tenga school dinmun, education system leh tu dinmun a paidan etin a vei/puahnat huai khopmei ahi. Khotenga data kikaikhawmte gawmkhawmin buuhkahna nei lehang Quality Education lam ah deih abang joulou ahi, mabanah namnu-nampa hung hi dingte hinkhua chu meipi sahtah bang ahi. Himahleh hite tengteng chu ajiah-ajal bulsut ding hitalei Temtaatpa tangthu kigen toh aki bang kha ding hi.Hujiahin nang leh kei ading in chouna nasatah ahia I chihtahnate suah thah in panla thah chiat dingin iki chial thahthah ahi. Khangkiit/next generation ah Simte literacy rate 100% chu I goal uh hita hen. KHANGTHAH ZUUNPAWL DAMSAT HENLA, SIMTE NAM IN SAWN TAHEN!

Noute toh tongkhawm,KZP GHQ luangin

Sd/-
Th Thonglunthang
Asst. General Secretary

For information and queries, you can reach us at kzpghq@gmail.com. Contact numbers +91 9856729396 / +91 9856376817 / +91 9089526804

Magazine deihthoh Vanglai editorte’n Pu B. Dongzalian ana houlimpihna uh, April 2013 issue a kipublish ta chu teisawnin hiah i hung taahlang kiit hi. Interview bawlte : (1) B. Chinmuan (2) C.K. Simte.

Amasa in i Magazine uh Vanglai simtu tengteng Chibai ka hung buuh uhi. Simtu leh mipi khualna in tutung i Nam President Pu uh Pa B. Dongzalian Simte in i Nampi Kuang uh bangchi’n ahung tawlpih/tawl sawm ei chih Vanglai saitute chouh hilou in mipi’n zong theinuam diing ahih chihna za’l in Vanglai Interview Crew te’n President pu 4/5 vel vakimuhpih diinga akikuanna ah a ngaveina in vakimuhpih theih khong khong in hia anuai abang in hun bichilh kal ah houlimna vakinei pih hi.

VL-VANGLAI.
STC PRESIDENT.

VL: A zahtat huai President Pu chibai, tuni hun naneih theih di leh i Magazine va suah diing tomchakhat houlim khawmlei chia hung leengla ka hi uh, hun nahungpe thei diai…?..

STC PRESIDENT: Karei..!!!..Karei..!!! bang a zenzen tai..hung tou vuau…nou a lehkha gialpawlte lauh huai umsim hive uchin aw…hung tou vuau (A lawinu President pi kawm ah kintah in Singpi or Theitui tuitah hungbawl pah ou chi’n President pu in a lawinu kawm ah thu apiah leh President pi jong a Nnasepte tualkoih in kintah in Maza Theitui tuitah hung bawl in nuamsatah in nui zaizai kawm in kidawn hi). Huchi’n theitui dawnkawm kawm in houlimna hichibang in khuzen in kipan pah ziah ziah hi.

VL: STC President diinga teelching nahih chih na theih tuung in na lungsim ah bang a um masa peen ei..?
STC PRESIDENT: Mipi muanna katan jiah in “KAKIPAH HI:

VL: STC President a pang hih na hisaap/ngaihtuah daan toh bangchi nasa ei..?
STC PRESIDENT: Ka hisap/ngaihtuah daan leh dei bang chet ahi.

VL: Simte mipite hih tu’n Lamkai-mit apat na et ahi a, bang chi’n namu ei .?
STC PRESIDENT: Simte mipi’n Nam lamkaite a zahtaatva. Hu ziah in hoih tah in puihuai theih din kamu hi.

VL: Nam Lamkai hihtoh Govt. Nnasep toh inn-sung pa hih na thuah ahi a, bang chi’n na hun na zang zee lei..?
STC PRESIDENT: Hi dotna hi, STC General Election-2012 lai apat mikhenkhatte’n ahung demna leh ahung buaipihna hi in kathei hi. Himahleh tunitan in Innsung Pa kahihna baan ah Govt. Khaam kasepna in, ka Nam Nnasepna asubuai khanaisih a, ahung suhbuai malah ah, ka Govt. Khaam ksepna in sum-le-paai ah ahung panpih zaw hi, a jiahchu Namvai a sun-le-jaan a taisuh taaitouhna aumchiang in Nampi sum zanglou in kaloh kamang in ka zangthei hi. A lehlam ah Govt. In ka Nam sunga ka taisuh katai touna diing loh hungpi hi’n ka ngaihtuah hi, ahung panpih zohi sum-le-pai ah. Hun chu apoimoh bang in ka hawmkhen thei tadih hi.

VL: Nam Lamkai na hihna-ah na mohpuahna zouthoh thou in naki ngai ei…?
STC PRESIDENT: Tutadih in chu Pathian leh ka khonbolpihte panpihna jal in jouthoh tadih in kaki ngai hi.

VL: Simte mipi’n bang tasam peen in na thei ei..?
STC PRESIDENT: Simte mipin taahsap tuam tuam i neichih ka thei a, a pipen chih diing ahihleh chu “Simte mipi’n taahsap peen a ka theih chu MEMBER OF LEGILATIVE ASSEMBLY (MLA) member khat tasam in ka thei hi”

VL: Simte mipi lah a i umdaan/i chiin daan lahva tawpsan tuah nasah le hi thil chiin daan uh hoih nasah khat tuah na hung geen thei diai..?
STC PRESIDENT: .Thuchian theinailoupi a milah a Nam Lamkaite dem pahpah, huchiang leh mihausa, mipil leh Officer ten Namvai mahni deih daandaan a puikoi/hei veu topsan talei ka chi hi.

VL: STC President na hihma leh na hihnung, mipi hung muhdan bang chi’n kikhia nasa ei.?
STC PRESIDENT: A ki khiatna um jeuh jeuh mah ei.

VL: Nam tuam tuam te kikhai khawmna ZOMI sungah Simte Nam dinmun bang chi’n na mu ei..? i kijopna uh lungtung huai nasathou ei..?
STC PRESIDENT: Ki khaikhawmna Zomi a diing in SIMTE jong khuam poimoh tah khat ahi. I hihna toh kisai ah lungtung huai leh huailouh thu um thei in kamu sih hi.

VL: Tunung-ah (Mabaan-ah) Thanlon Bial ah MDC or MLA bang diing nasawm sim mole….?
STC PRESIDENT: Soichianna di’n baihtalonalai. (Nui cheuh)

VL: Ei India a teng hi hanga, the world largest Democracy chih minloh a um hial hanga MLA or MDC election tenga “Pawlpi” ahung kigolh veu uh bang chi nasa ei..?
STC PRESIDENT: The largest Democracy min lah a umten aphalpouh uleh, ken bang ka loh diai..?

VL: I Nam sunga Pawl tuam tuam STC,SYO, KZP, SLS lah a Lamkai te leh mipi kikaal bang chi’n namu ei..?. Mipi’n Lamkai te zathuap/nungthuap zou in namu ei, mipi leh Lamkaite kikaal bangtan in gap um in nathei…?
STC PRESIDENT: Pathian panpihnajal in I Nam sunga Pawl tuamtuam (STC,SYO,KZP,SLS) toh mipite kal ah hichitah in ki gamlaatna um in ka thei nawnsih hi. A jiaah chu thu leh laa theih dia kilawm kithei tuah thei veh ta hi.
Tea-Break (President Pi in Theitui tuitah hung dawnsah in nuamsatah in nui hamham kawm in ki break jual hi)

VL: Tua Simte mipi i paidaan un paitou jing lei, tunung ah Simte Nam bang dinmun a ding di’n na gingta/ngaihtuah ei…?
STC PRESIDENT: Tubanga Nam Lamkaite tha leh jung, sum-le-paai a thu-le-laa a i thalthuap jing u leh ikhangtou pah diing uhi.

VL: Simte Nam sunga abeh abeh a kihuituamnate bang chi nasa ei/Bangchi’n na ngai ei..Nam khat sunga abeh beh a ki huituam nate ahi di mawng in na ngaihtuah ei?
STC PRESIDENT: A beh beh a kihuituam apoimoh najong umthou inchin. A hi’nla Nam tahbuai/ nelhsiah jen a chu ki huituam louh diing ahi.

VL: STC General Assembly-cum-Election kineih hun in STC Constitution Amendment kibawl diing chih thu kana zakhava, bang dinmun in a ding tai/bang chiang a tung taai…?
STC PRESIDENT: Asai diinga kilomten ahunta achih chiang un Annual Assembly chiang in Amendment bawl diinga hoih/poimoh achihte uh approved diing in hung luuina loudi umo. Ngaahlah dahni.

VL: STC Constitution Chapter V I-B a Unit Organisation bawlna diinga Simte Inn-suan 10(Sawm) teenkhawmna khua kichi khu ki theikhial kha deuh ade aw, hun paisa a Unit i hong daan-uh ka et-leh na ngaih daan in bangchi nasa ei…?
STC PRESIDENT: Hoihlou/Pichinglou sah jiah a hiho hoih deuh a bolphat sawm deuh a hung kisa deuh chu aki hi. Gensau dah phot ni.

VL: STC Thanlon Block jong akiphiat a, (Kum bangjah aha paisa in, thil dih hi’n na thei ei..? Constitution khoiteng pansan a kibawl a diai..?) Na comment tamlou.
STC PRESIDENT: Block khat phiat chihpen thil hoihpen hi din ka ngaihtuah sih hi. A Ministry pen phiat hijole mo..? Ngaihdaan sungdah phot ning (No Comments)

VL: STC President nahih apat tunitan a mipi heet theih diing a Nna nasep khiat uh tamlou na hung gen thei diai…?
STC PRESIDENT: Kum khat ching nailou ahi a, ka sep sunsun uh hiho ahi. Thanlon Block kiphiat chu mipi deihna leh hoih diinga ngaihtuahna jiah in suh hing ahi, huleh anuai a Unit 10(Ten) tah kitel thahsah veh ahi. A poimoh uh Signed Board leh Letter Head, Files, Minute Books piahveh ahi. KHUANGNUNG BLOCK honthah ahi, vohtal tuuh nga thah ahi. Huleh SINGNGAT BLOCK leh Unit jong kitelthah sah ahi a apoimoh teng piahveh ahi. Lamka Bial kaveh saanlaitah uh ahi. Units veh suah a apoimoh bang banga election jong neihsah ahi. I mi is a Police Lock-Up, Jail taangte dih loutah a ngoh a umte hutkhiat ahi. Huleh amah uutna tellou a sual (rape) Govt. Apat panpihna ngetsah ahi. Hu leh siamjilna lam ah atung tuang biihte vehna akinei hi. Huleh Service a MPSC saina a mute jong kipaahpih leh vehna kinei hi.

VL: Mipi heet theih diing a gen di kilawm leh kilawmlou tamtah a um diinga, himahleh mipi heet diinga hoih nasahte tamlou nahung gen thei diai, STC in tununga sep leh bawl diing Policy and Programme bang bang na nei viai…?
STC PRESIDENT: STC in I gamsung a Government School umte puahphat akisawm hi. SYO Complex mun a STC HQ Office Building aki tung diing sawm hi. Annual Fund kituup a don a Annual Conference jong neih jing akisawm hi. Neeh-le-taah, Innten, Louten puahphat diingdan akisawm hi. Simte Custom & Culture kepbit touh jel ahi somhi. A bu (Book) a bawl akisawm hi. STC kahiang, SYO, KZP,SLS tea hi bang tah a function sah leh thalthuap akisawm hi. STC in khua leh tui hoihtah a kepbit akisawm hi, i khosat uh.

VL: Vanglai Magazine na simkha jeel ei..? Ban chi nasa ei..?
STC PRESIDENT: Simjel mah ing, hoih kasa hi.

VL: Vanglai Magazine hoih jawh se’mna diing in bang chi’n pan kila leh na chi ei….Na advice.
STC PRESIDENT: (1) Article a hoih/tulai deuh angai dih (2) Nam dangte sim-ut dinga gelh thei lei (3) Colourful/picture tamleh (4) School/Colleges lam a deuh kigelh tam leh (5) Moral nei jokes tam gelh lim/pictures toh.

VL: Ei Simte lah a Magazine him him in sawt adaih zohlouh bang jiah hi diing in na ngaihtuah ei..?
STC PRESIDENT: A jiah tuam tuam/ngaihdan tuam tuam tampi aum, hile jong ken chu anuai ateng chi deuh ning. (1) I thugelh te’n mite hiipjoulou. (2) Angleisah di tawm (3) Chih tahtah a saidi kitasam (4) Mipite’n kei a ahi chitheilou (5) Lehkhasim uut tawm.

VL: Vanglai Magazine tungtawn a i Nam mipite lah ah geen-uut/theihsah uut na neih leh tamlou na hung gen thei diai..?
STC PRESIDENT: Sah leh hang, sim leh mal a Simte mipi te’n pangkhawm dan siam chiatni

VL: TUNUNG-TUNUNG a jong Simte mipi’n bang chi’n hung thei gige leh na uut ei…?
STC PRESIDENT: MI CHITAH SIMTE NAM IITPA CHIN HUNG KITHEI GIGE LEH KA UUT HI.

Hichibang a hun kibichilh kal ah i Nam President uh toh houlimna khaah ahi.